Նորություններ >> Ընդունելության քննությունների այժմեական հիմնախնդիրների քննարկում համալսարանի ռեկտոր Սեդրակ Սեդրակյանի և Խ. Աբովյանի անվան մանկավարժական համալսարանի ուսումնական գծով պրոռեկտոր Մհեր Մելիք Բախշյանի հետ:

 

 

 

 

 

                 

Ընդունելության քննությունների այժմեական                                                     հիմնախնդիրների քննարկում

 

 


              <<Ուրարտու>>     համալսարանի ռեկտոր Սեդրակ Սեդրակյանի և Խ. Աբովյանի անվան մանկավարժական համալսարանի ուսումնական գծով պրոռեկտոր Մհեր Մելիք Բախշյանի հետ:
http://xosnak.am/?view=news&id=14637

 

 

Խ. Աբովյանի անվան մանկավարժական համալսարանի դիմորդների թիվն այս տարի չի նվազել, ավելին՝ որոշ չափով աճ է գրանցել` լրագրողների հետ այսօրվա հանդիպման ժամանակ վստահեցրել է համալսարանի ուսումնական գծով պրոռեկտոր Մհեր Մելիք-Բախշյանը՝ անդրադառնալով ուսումնական տարվա առանձնահատկություններին: Նրա փոխանցմամբ՝ ընդունվողների թվաքանակում նախորդ տարվա համեմատ փոփոխություն գրեթե չի արձանագրվել՝ նախորդ տարվա 1200-ի դիմաց այս տարի մանկավարժական համալսարան է ընդունվել 1180-դիմորդ: Այս առումով պատկերը չի փոխվել նաեւ մասնավոր բուհերում՝ «Ուրարտու» համալսարանի օրինակով վստահեցրել է ռեկտոր Սեդրակ Սեդրակյանը:

Մանկավարժական համալսարանում այս տարի ներդրվել է նոր մասնագիտություն՝ «Հասարակագիտություն»: Այս տարվանից 20 ուսանող կուսումնասիրի առարկան՝ հետագայում դպրոցներում «Հասարակագիտություն» դասավանդելու հեռանկարով:  «Մինչեւ այժմ նման մասնագետներ չէին պատրաստվում, այժմ այդ բացը լրացվում է»,- ասում է Խ. Աբովյանի անվան մանկավարժական համալսարանի ուսումնական գծով պրոռեկտոր Մհեր Մելիք-Բախշյանը։

Պրոռեկտորի փոխանցմամբ՝ որպես կանոն համալսարանում առավել պահանջված մասնագիտությունները հատուկ կրթության գծով են, որտեղ երբեք դիմորդների պակաս չի լինում: Փոխարենը, բավականին մտահոգիչ է դարձել բնագիտական առարկաների, հատկապես՝ «Ֆիզիկայի» եւ «Քիմիայի» նկատմամբ հետաքրքրության խիստ պակասը: «Ֆիզիկայի գծով չեն գալիս, քիմիայի գծով չեն գալիս եւ այստեղ պետք է մտածենք, թե ինչ է պետք անել՝ դիմորդներին շահագրգռելու, որ գան այս մասնագիտություններով սովորեն»։

Մնացած մասնագիտությունների խնդրով մանկավարժական համալսարանում, կարծես, գոհ են: Ուսումնական գծով պրոռեկտորն ասաց, թե դեմոգրաֆիկական խնդիրը հաշվի առնելով է դա ասում. շրջանավարտների թիվը դեռ հաջորդ տարի էլ իրեն զգացնել կտա:

Մասնավոր հատվածին՝ «Ուրարտու» համալսարանի օրինակով անդրադառնալով՝ ռեկտոր Սեդրակ Սեդրակյանն ասաց, թե ընդունելությունը նախորդ տարվա համեմատ չի փոխվել: Դժվարություններ իրենք նույնպես ունեն՝ կապված շրջանավարտների թվի հետ:

Բանախոսները նշեցին, որ ուսման վարձերը իրենց բուհերում չեն փոխվել: Մանկավարժական համալսարանում անվճար տեղերը, ինչպես նախորդ տարիներին, 95-ն է, որը բաշխվել է շուրջ 50 մասնագիտությունների համար: Մհեր Մելիք-Բախշյանը նաեւ նշեց, թե «Ֆիզիկա» եւ «Քիմա» մասնագիտությունների տարեկան ուսման վարձը 260 հազար դրամ է եւ չի կարծում, որ դա այնպիսի գումար է, որ հնարավոր լինի պատճառաբանել այս գծով սովորելու ցանկություն ունեցողների պակասը: Թե ի՞նչ է պետք անել այդ առումով՝ նա դժվարացավ ասել: Կարծիք հայտնեց, որ չկա վատ ուսանող, այլ՝ կա վատ դասախոս: Վստահեցրեց, որ մանկավարժական համալսարանը լավագույն մասնագետներին է փորձում հրավիրել դասավանդելու իրենց բուհում:

Մանկավարժականի պրոռեկտորը կարծում է, որ իրենց շրջանավարտները մրցունակ կլինեն եւ կկարողանան միանգամից մտնել դպրոց ու վստահ դասավանդել, քանի որ դրան հասնելու համար բուհում ավելացրել են պրակտիկայի ժամաքանակը:

 

Ոլորտի ներկայացուցիչները կարծիք հայտնեցին, որ մրցունակ լինելու համար շատ բան կախված է նրանից, որ դիմորդները մասնագիտական ճիշտ կողմնորոշում ստանան հենց դպրոցից եւ մասնագիտություն ընտրեն ոչ թե «մոդային» տուրք տալով, այլ՝ իրական նախասիրություններից ելնելով: Այս առումով նրանք ողջունեցին ԿԳ նախարարի՝  12-ամյա կրթության համակարգում կատարած վերջին բարեփոխումները: 

 

                                  

 

 

 

 

 

 

 

Տպել
Яндекс.Метрика
Web hosting sponsored by